شركة امنية للهواتف اللاسلكية والانترنت

اخوان بالنسبة لامنية هاذي تفاصيلها
1- شبكتهة من نوع الجيل الثاني مو مثل ما مكتوبة بالاعلانات مالتهة هاي الجذبة الاولى
2- النقال مالتهة ما بيه انترنت و سعرة من الشركة ب 80 دولار
3- الارضي مالتهة بيه انترنت و سعرة 110 دولار (هاي اسعار الشركة مو اسعار الشارع)
4- سرعة الانترنت حسب ما يكولون همة 8 كيلو بايت (بس التغطية فقط ب 12 برج ابغداد يعني مو كاملة )
5- سعر اشتراك الانترنت 29 دولار لل 100 ساعة فقط (مو مثل ما يكولون اهل المحلات بالشهر)
6- سعر المكالمات بين امنية امنية ب 2 سنت و الشبكات الثانية 8 سنت
هاي كل المعلومات عن امنية و اذا تريدون تعرفون اكثر اسالوني و اني حاضر مع العلم ان هاي المعلومات من الشركة مو من المحلات اللي بكيفهم يحجون و معلومات اكيدة

و بالنسبة لاتصالنا
1- هم الشبكة من النوع الثاني
2- تغطيتهة ابغداد احسن من امنية
3- سعر جهاز الارضي (119) دولار و ما عدهم موبايل
4- سعر مودم الانترنت 219 دولار و سعر الراوتر مالتهم 400 دولار
5-عدهم 3 خدمات 1-ويانا ( سعر المكالمات داخل الشبكة 5 سنت و خارج وقت الذروة 3 سنت
و باقي الشبكات 9 سنت
سعر الانترنت 2 سنت بالدقيقة و السرعة 153 كيلو بت)
2- ويانا سوبر (سعر الاشتراك الشهري 10 دولارات
سعر المكالمات الداخلية 3 سنت و خارج وقت الذروة 1 سنت
سعر المكالمات باقي الشبكات 8 سنت
سعر الانترنت 1 سنت بالدقيقة و السرعة 153 كيلوبت)
3- ويانا انترنت ( انترنت ع السريع ((السرعة 3 ميكا بت و الاشتراك الشهري 500 دولار))
انترنت براحتك ((السرعة 153 كيلو بت و الاشتراك 10 دولارات ل 25 ساعة ورة ما تخلص ال 25 ساعة يكوم يحسبلك 1 سنت للدقيقة)

هاي كل التفاصيل اللي تحتاجوهة بالنسبة للشركتين