قصيدة للعاشقــــــــــــــــــــــــين

قالوا حبيبك يسمع الشعـر قلـت إيـه
يقـراه بعيونـي قـبـل تسمعـونـه
لولاه حتـي طـاري الشعـر ماابيـه
مير أكتبه من شـان خاطـر عيونـه
هو روح شعري وامنياتـه وماضيـه
جذع الشجر وش كان لولا غصونـه
أكتب لغيـره والقصايـد تجـي فيـه
كـن القصايـد حالـفـه ماتخـونـه
هذاك لامنـه زعـل قمـت اهاديـه
حتي وهـو مخطـي تعـذرت دونـه
يمكن لو انه يلمـس الجـرح بيديـه
يستغـرب ان اللـي لمسهـا طعونـه
ابطي وهو غايـب وزلـت حراويـه
وانـا مـن العـام اتحـري مزونـه
هو ما دري اني في غيابـه محاتيـه
ليته نشد عـن حالـي اللـي يجونـه
واقلبـي اللـي تـوه افلـت عراويـه
كيف انسرق وضلوع صدري حصونه
عجـزت ارده كنـي مانـي براعيـه
يوم انتثر شوقـه وهاضـت شجونـه
يبسـن عروقـه لكـن اللـي يعزيـه
ان اكثـر العالـم تــردد لحـونـه
خافـوا مـن الله لاتجيبـون طاريـه
لاصـرت انـا موجـود لاتذكرونـه
لـو كـل غالـي جابـه الله لغاليـه
ماشفت لك مخلوق ...تبكـي عيونـه